Carine & Lap (婚紗城香港婚紗攝影 Apr 2013)

結婚係人生大事，影結婚相更加係差唔多每個準新娘夢寐以求既事。於是，我地於網上搜集資料，搵到Bliss wedding影婚紗相，睇過網上其他新人影既相，覺得好靚，又睇過人地既評語，價錢合理，香港公司，最重要係可以取回所有底相。最後決定join Bliss Wedding，於深圳和香港各影一輯婚紗相。

為左影婚紗相，我特登去左染髮同整指甲，又搵定邊d新娘頭適合自己。影婚照前果段時間成日都落雨，我地諗緊轉唔轉時間影相，好彩天公造美，天氣預測話當日係陰天。我記得影第一輯婚紗相係影深圳，六點出發去羅湖集合，工作人員都好準時，一黎到就好熱情地幫手拎野，讓我地猶如貴賓。一落車就去化妝，阿蘭好專業，化妝好快，而且好靚；影相期間，攝影師阿勇好努力地教我地擺pose 同笑，原來一路要笑住係好辛苦嫁；而助手阿偉幫我地做苦力。影完一整天，成個人都好累，好想返屋企訓覺。

第二輯係影香港，一去到石澳，好曬，完全睜唔開眼，原來陽光普照影相都唔係一件好事。之後去左石板街影相，有好多路人望住我地，真係好唔慣，攝影師Corner叫我地唔好理別人既眼光，繼續影相。後來，仲去左影電車，一有電車經過就要把握機會影相。到左夜晚，著左條紅色晚裝去1881影相，好彩果度唔係好多人影相。

估唔到一個星期後就可以取soft copy返屋企，睇左相後，覺得影得幾靚，所以要揀55張相入冊都揀左好耐，好期待完成後的作品。總括而言，Bliss Wedding係好值得影，有咩問題又可以隨時去旺角搵April，佢好樂意解答我地既問題，真係好方便。我一定會介紹朋友去Bliss影相。

推薦轉載自：http://www.facebook.com/sesehk