May & Alan (玫瑰海岸澳門婚紗攝影 Dec 2012)

我同太太早前搵左Bliss Wedding係深圳玫瑰海岸拍攝我地期待已久既婚照，排好版既相冊soft copy早兩日已經收到，睇完後我同太太都好開心，覺得拍攝得好靚，執相同排版都好有水準，所以不得不在此分享一下哩個開心既經歷。

話說初初我同太太對返回內地拍攝婚照都持有保留態度，但上去Bliss Wedding係太子聯合廣場既門市後，經過職員April悉心既講解及介紹，我地發現其實係深圳市附近就有好幾個非常不錯既婚攝景區─婚紗城、玫瑰海岸、環球影城。我地一開始時真係猶豫不決，因為睇過d sample相，發覺三個景區都好靚，而且各有特色。我地考慮左好耐，最後選擇玫瑰海岸，主要貪佢有兩個好靚既教堂，一個又長又靚既沙灘，同小山坡上向海既希臘小屋~

拍攝婚照當日，我同太太因為塞車而遲大到，要隊Crew係羅湖等左我地成大半個小時，我同太太都非常唔好意思，但佢地竟然少少怨言都無，仲安撫返我地叫我地唔好太擔心，話我地要整天都保持住開朗既心情，拍攝出來既照片才會自然同靚。

攝影師叫阿勇，化妝師叫阿蘭，助手叫阿傑，成隊Crew都好後生，平均都係廿幾歲，加埋我地兩個，五個人年齡加埋都係一百歲多dd咋(笑)，所以我地都好投契，全程有傾有講有笑，整個拍攝過程都充滿著歡笑聲。最後整輯婚照拍攝出來既效果係感覺自然，笑容真切燦爛。

由於成隊Crew都好後生，我地一開始都有少少擔心，但一路拍攝下來，哩d疑慮就徹底一掃而空。阿勇係一個好識捕捉時機既攝影師，佢會一路同我地對話，令我地一直保持住輕鬆既心情，又會帶動整個隊伍既氣氛，往往就在我地笑得最燦爛最自然既一剎那，佢就會按下快門按鈕。當然，阿勇對玫瑰海岸哩個場地都非常熟悉，佢知道係邊個時候邊種光線既情況下係邊個地點拍攝出來既照片會最自然最靚，另外，佢亦都識得教我地擺好多靚Pose；阿蘭化既妝我太太超滿意，好清新脫俗，再上佢識得就地取材，用花花草草幫我太太整頭花及妝飾，我太太對阿蘭既服務簡直係滿意度爆燈；至於阿傑，佢除左幫手執頭執尾之外，Bliss Wedding仲offer左我地一個特別服務，就係阿傑客串助理攝影師，專門負責拍攝花絮，捕捉我地大量蝦碌鏡頭(汗)。不過哩d花絮照都好得意，以致於係我地本正式相冊內都安插左好幾張哩d蝦碌相在內。(大家唔好忘記chok Bliss Wedding提供埋哩個offer啦 ^^”)

睇完個排版我地都好滿意，依家好期待三本相冊可以快d沖曬出來，希望成品質素都係一樣咁好啦(要幾個星期後先有貨>.<“)。

推薦轉載自：http://www.facebook.com/sesehk