Emily & Ming (哈施塔特婚紗攝影 Oct 2013)

當初我地想影婚紗照之前已經四周圍打聽及搜尋資料，及後同朋友傾計時佢向我地推介貴公司BLISS WEDDING，跟住我地就上網搜尋發現貴公司的攝影質素、產品及價錢亦合理，已經符合我地心目中既要求，加上新推出的景點亦非常吸引我倆，我地就上到門市查詢一下當中細節。經店員APRIL專業及有耐心的講解所有行程及細節後，我地已即時報名預備一個期待十足既旅程。

終於到左影相果一日啦約定左8點係出關處度等，攝影隊伍亦非常準時唔使我地等，仲好主動幫我地將行李擺上車，十分細心.跟住就向我地逐一介紹當日的攝影隊伍，有攝影師呀勇,化妝師呀蘭,助手呀偉同埋司機大哥.經過個多小時車程我地到達左哈施塔特攝影區，全靠各方準時及司機的技術我地算早到既一批，原因是可以揀到間位置較好的化妝間及時間早較小其他人入鏡 (我地撞正國內黃金週去影呢) 經過呀蘭同呀偉兩位幫我地化妝及set頭後終於出去影啦，呀勇每到一個場景時都會向我地簡單的講解下點影取咩角度等再問我地意見，當然我地一聽佢講解後都十分滿意因為相信佢既專業嘛。

影到咁上下發覺愈來愈多攝影團體到來影婚紗相，果一刻我先發覺我地好好彩呢一開始趁住少人影左幾個熱門位先，見到其他攝影隊要排隊等一個位既時候使我更加的信服。大概到中午時份，我地一路影一路出汗，其間呀蘭同呀偉一方面要幫我地保管貴重物品，打燈之餘亦不停幫我地抹汗及補妝，而呀勇都周圍走又爬上爬落幫我地尋找最佳的攝影位置，辛苦晒各位！

最後門市揀相，當我地不知道點揀好，好在April俾啲意見及講解排版產品，她既詳細解釋先順利完成，在此感謝你的幫忙！多謝bliss wedding的團隊專業服務態度，值得一讚~^_^

推薦轉載自：http://www.facebook.com/sesehk