Vicky & Ross (香港 婚紗攝影 August 2017)

初初喺網上搵攝影公司，睇到第三間就係bliss,跟住無繼續睇其他間，即刻決定咗。第一次登門都有顧慮，懷疑自己太過草率。接待我哋嘅工作人員好nice，耐心無黑面，詳盡解答問題。之後嘅試妝同試衫都有非常好嘅體驗，專業度同態度一定要俾like。

今次攝影係一個好滿意嘅過程。因全部揀咗外景，日頭溫度三十幾度，整個團隊陪我哋曬足六個鐘有多。攝影師全程指導我哋pose，化妝師幫我哋抹汗，助理都好敬業，又幫我哋拎嘢仲要配合返攝影師各種指令。個lunch我想俾大家食好D，而大家淨係揀M記，我都有少少唔好意思。

好快攞到原片，效果已經覺得幾好。畫面自然，構圖合理啱心水，每個拍攝地點都有非常鐘意嘅相。導致最尾揀要執嘅相好難抉擇，因為鐘意嘅相遠遠超出套餐數目。商討相薄製作嘅過程都幾好體驗，個form好detail，由頭至尾解決嗮所有疑問。工作人員仲同我哋一齊睇相，俾我哋建議點執圖。相信等相薄整好一定有更多驚喜。覺得遇到你哋係種幸運。

推薦轉載自：https://www.facebook.com/sesehk/posts/10155552189494693

(感謝 Mei & Jimmy 與我們分享美麗的婚照)