Daisy & William (香港婚紗城婚紗攝影 June 2018)

偶然喺網上面見到Bliss Wedding，見佢價錢合理又話無隱藏收費，所以就上去門市睇下。當時接待我哋嘅阿Joe好仔細咁介紹每個package嘅分別，而且仲比咗好多好好嘅意見我哋，所以考慮咗一陣就決定join一日香港攝影個package啦 (當時仲送咗深圳婚紗城攝影添)。雖然深圳攝影係送，但係安排一啲都唔馬虎，當日我哋一早到深圳時，深圳拍攝團隊已經喺度等我哋，之後就上安排好嘅車直去婚紗城。到咗婚紗城，化妝師阿蘭為我化妝後，就正式開始攝影，過程中攝影師阿勇都好細心教我哋擺唔同哋post，化妝師就好細心為我哋遮太陽，整個拍攝過程都好輕鬆、好流暢、好開心。
之後到咗我哋嘅重點香港外景拍攝，我哋揀咗迪欣湖、山頂、而1881就做夜景。一朝早到化妝師阿Pat就幫我化妝，由佢幫我選嘅頭飾，到整個造型，我都好滿意，佢嘅表現好細心，亦都比咗專業意見比我，到影相嘅時候，佢都一直幫我咁keep住我嘅造型，真係好多謝佢。而攝影師阿Sam比我哋嘅感覺係好專業，由取景到教我哋擺post，由朝早到夜晚都好細心、好有耐性去幫我哋拍攝，到睇相嘅時候，我哋都好滿意，尤其鍾意佢嘅取景角度，好多謝阿Sam。另外，助手Billy都好好人、好細心，全程都幫我哋手，見到煲呔斜咗都會主動幫手。
我同我男朋友覺得整個pre-wedding嘅安排真係超乎我地想像，由介紹到拍攝都好專業好細心，多謝Bliss Wedding！