Erestor & Ci Ci (香港哈施搭特婚紗攝影 September 2018)

好慶幸揾左bliss wedding拍攝我地嘅pre wedding呀！我太太睇到公司作品後就決定揀咗bliss wedding！上到去同事好細心咁介紹每一個拍攝地點同拍攝風格，介紹過程完全無hard sell，第一日我地本身揀咗玫瑰海岸，可惜連續幾日落大雨，同事講返玫瑰海岸主要影天空影海，擔心影出黎效果會唔理想，最後見到哈斯塔特都幾靚，就改去哈斯塔特！

當日天氣唔多好，我地去到哈斯塔特個天黑黑地想落雨咁，攝影師同我地講到時睇下天氣點，再安排影室外同室內嘅時間。好彩嘅係我太太一化完妝就有出太陽，我地就即刻衝出去影相，攝影師問我地想要搞笑溫馨D定要型少少，梗係要chok啦，攝影師教我地點樣擺Pose同點樣笑得好睇，助手同化妝師都好辛苦，拎住好多野又要協助攝影師擺下裙尾，個日真係好熱，佢地個個都滿頭大汗。攝影師只要諗到有邊個位置可以影到靚相都唔會放過，希望可以影到有唔同風景嘅靚相。影哂外景就去食lunch，司機搵嘅餐廳又平又好，食到一半出面就落勁大雨，我地六個人得一把遮，佢地就俾咗把遮我同太太，佢地就冒住雨衝返去基地，好感動，當太太轉緊造型時基地停電，攝影師仲緊張過我地係咁問D職員幾時先維修好，等嘅時間攝影師仲同我地傾下偈時間過得快D，一有電攝影師就衝落去霸定位置影室內部份，底層勁大勁多場景，有D位置無燈好暗但攝影師都想盡辦法影到好光好靚，最後見落完雨有D陽光影埋便服，準時6點回程！

香港部份改咗兩次期，一次落大雨，一次山竹，同太太本身揀咗去石澳赤柱中環，點知情人橋吹斷咗，我同太太個日都無哂方向，攝影師俾咗好多提議我地，有邊D地方仲可以有影響無咁大嘅靚景，最後去咗赤柱山頂中環！去到聖士堤反灣影便服相先，攝影師想我地做唔同動作，跑黎跑去，捕捉我地自然嘅一面，仲影得好靚好sweet添！去到美利樓換裝影相，影咗一陣我太太就胃痛，應該係餓得滯，三位同事都好關心好緊張，即刻話食咗野先，好就得我地！食飽就上山頂公園，本身唔想去山頂因為個個都去，但反而出黎個效果好靚，化妝師同助手不停幫我地睇住有咩靚景即刻衝去霸定位先，山頂公園好多蚊，好彩化妝師有帶蚊怕水俾我太太搽，太貼心喇！有時拍攝過程有D辛苦，但助手成日主動同我地傾偈，化妝師又好細心咁關心我太太，成件事就變得輕鬆好多！夜晚攝影師仲帶我地去添馬艦公園影夜景，我地之前未去過，影夜景一。影咗成日攝影師佢地好辛苦，但仲鼓勵我地話好快就影哂，仲同我地講辛苦哂，其實佢地最辛苦！

我地婚期係11月尾，其實好趕，但係bliss wedding都幫我地加急製作，依家我地就差等完成品出世喇！