Sam & Joanne (婚禮．攝影 Oct 2018)

十分多謝bliss wedding為我preweddjng 同big day 提供一條龍優質既服務

先講婚紗晚裝同西裝，雖然款式唔算套多，但總會揀到岩心水既裙款，當你每試一條裙，職員就會主動幫你影一張相，方便你試哂咁多條之後做對比，而且好有耐性咁加一啲專業意見同你分析邊條適合你。當你揀岩之後，又會send返你所揀既相比你keep record 方便之後揀飾物同埋髮飾。

另外職員態度，每一個都好專業，都會詳盡解答我既疑問。好似我好苦惱prewedding影邊3個景點，職員會聽完你講你想影邊類型既相，再配合你既意願，提供一啲合適既地方。到big day 苦惱邊到影外拍，又會幫我問下攝影師意見，再配合當日我出門同註冊既時間再提供幾個地方比我揀。

化妝方面，我影完prewedding輯相，個個讚不盡口，話個妝化得好靚好自然唔會誇，當我決定bigday化妝師個陣二話不說mark實zoey。佢係一個超好既化妝師，除左化妝技巧好，仲會好似你朋友咁當你好緊張既時候會同你傾計分散你既注意力令你放鬆心情。同樣佢係好細心 big day個日貼心跟住幫我補妝令我保持最佳狀態。

攝影方面，雖然prewedding同bigday用唔同攝影團隊，但佢地都識搞氣氛，令我同影相個陣冇咁生硬。big day用左2p1v，出門斟茶時，攝影師會做埋大妗姐角色幫手講好說話。雖然bigday既相未到手，但佢地幫我整既早拍晚播已經好正，剪輯得好好，捕捉到我地最正最開心既一面。佢地身兼多職，呢個攝影團隊大讚，好期待好想快啲有得睇返bigday既相

最後再次多謝bliss wedding 所有同事！