Jessica & Alan (澳門婚紗攝影 Apr 2014)

其實我地一開始揾pre-wedding資料時都唔知由邊到入手，係網上search Pre-wedding 公司就見到Bliss wedding,跟著就開始睇下有關資料，被佢地其中一項底片全送吸引著，因之前聽過朋友講有好多Pre-wedding公司都無底片全送呢樣嘢，跟著再睇到佢哋影嘅婚紗照好靚又見到佢哋攞咗好多獎，所以就揀左BLISS再上去了解一下。

上到門市，April非常詳盡咁解釋晒package既每一個細節，亦比左好多意見我地，先問咗我哋有冇想去邊度影，之後再講有咩景點又有甚麼特色丫，提意當日行程可以點行，全部都係非常實用既意見，完全無hard sell我哋，無叫我哋加呢樣加果樣，真係跟足單張上嘅價錢！聽完April解釋後比到我哋好大嘅信心，最後我哋都係搵左BLISS影。

到拍攝果日，其實我哋都有些緊張，因為我哋本身又唔係好識笑又唔識得擺Poss真係多得攝影師Corner非常純熟咁指導每一個pose同表情又引我哋笑，令到我哋好容易就投入，當然我哋手腳都係比較生硬，Corner亦好有耐性地不斷提點，令到拍攝可以順利完成，非常感激！另外，亦要讚下攝影助理Vincent，全日從旁幫助，又話頭醒尾，又打燈又幫我哋拎埋行李，非常專業又幫得手！

仲有化妝師Natalie好細心咁幫我化妝造型，又有耐性幫我整理套衫因為我比較有肉地每次換衫都好似好大工程咁幫我拉緊件衫又用針線幫我定位，我真係好感激佢，拍攝當日Natalie又幫我哋拎著哂D嘢，真係辛苦Natalie。

而家我哋好期待個製成品唔知會係點呢！係度再一次多謝BLISS整個團隊，比到我哋一個非常難忘嘅婚紗攝影之旅！

推薦轉載自：http://www.facebook.com/sesehk