Simple & Fung (哈施塔特婚紗攝影 Jul 2016)

今年10月尾就係我地既big day la..我同黄先生四出籌備各種大大小小既事務。影左第一輯結婚相之後，效果唔係我地期望甘好，所以我地決定左重新揾另一間公司再影。經過朋友介紹以及我再三篩選，最後揾左呢間-Bliss wedding!!

本來抱住一試既心態去到門市，心入面唔敢抱太大期望，怕自己再一次失望，同埋好怕果d拉住唔俾錢就唔俾你走既sales。入到去Annie 用200分既笑容去serve我地，簡單介紹左package and products之後，俾左好多好多空間同自由我地去討論，同埋慢慢揀我地想要既野！當我地想發問既時候，annie一定會係你身邊發現到，亦好細心解答我地一切問題。

到左影相當日，過左關之後，助手已經係度等緊我地，又主動幫我地拎喼，熱情到我地都唔好意思。專車載住我地一行5人，安全快捷到達哈斯塔特城。係門口已經被外圍既靚靚景象迷到嘩嘩聲啦。

到左化妝間，化妝師即刻幫我換衫化妝set頭，好細心，按我喜好之外，仲會俾好多建議我，個妝化好之後，完全係我心裡既一樣！又驚喜！

去之前其實見到天氣預報話當日會陰天有陣雨，攝影師仲細心到幫我地準備埋透明雨遮，以備不時之需。真係感動到呢…影相果陣，攝影師簡直係訓身丫，仲俾左好多post既指導我地！

當然我地都要好感激助手兼燈光師，幾乎係賣命式地為我地打光，轉場地時，二話不說地大袋細袋甘幫我地拎曬d物品。

過程中輕鬆歡樂既氣氛，令拍攝過程更展現自然美，仲有各種既細心位暖入心，我地真係無揀錯丫，好想將所有既好野分享俾大家，二萬分推介-Bliss wedding!

P.S. 當日結果係曬到爆燈，用左N包tempxx，個個件衫濕到透曬，真心同三位再講一句: 辛苦曬！