Angel & Tae (婚紗城婚紗攝影 November 2016)

準備結婚就開始搵關於影PRE-WEDDING嘅資料,喺FB開始關注好多有關影PW嘅FANS PAGE見到Bliss Wedding,見到原來有攞過好多獎,當然仲有Bliss Wedding用家嘅好評,之後就決定同老公上門市了解

店員Annie首先簡單介紹package and products,俾左好多好多空間同自由我地去討論,再慢慢同我地分析揀我地想要d咩,亦好有耐性解釋唔同嘅Packages同價錢又俾左好多相我地參考都俾左好多建議,內容冇隱藏收費全無hardsell成份,又可以喺香港試衫除左令我地覺得專業同放心將自己交俾佢地之外仲非常方便,所以我地決定左婚紗城嘅package。

到安排試衫裙嗰日款式真係好多,如果唔係annie咁細心了解我嘅需要同幫我試衫我都冇咁快可以完成試衫嘅環節,地方大而且舒適,喺我試緊衫嘅時候老公可以舒舒服服咁等我,試完之後Annie仲好細心咁提醒我地條款。

到影相前一日要去拎衫,上到去其實已經pack好喼,但Annie都慢慢同我地睇清楚d衫同首飾頭飾有冇問題再pack返好等我地可以好方便咁離開,仲再三確保我地清楚借衫要注意嘅事項及拍攝流程。

拍攝當日,天公造美,天氣真係好到不得了,佢地預備左車接送,對於唔習慣太早起身嘅我,舒服嘅車真係好重要,上到車可以養足精神準備一日嘅拍攝,到婚紗城之後原來有提供化妝室,化妝期間化妝師阿蘭好nice都好細心不斷了解我嘅需要,大家又有講有笑咁相處得好舒服,然後攝影師阿勇又會問多次想去邊個場景有冇其他想去嘅景點。

然後終於出發去開始拍攝,我地完全冇影相經驗,又冇乜概念比較緊張生硬,攝影師阿勇同助手阿源好有耐性地教我地擺唔同嘅post,當然助手阿源比較搞笑,唔係佢嘅話d相都未必可以笑得咁自然,仲幫手我地打燈阿拎起裙尾啊咁真係睇見都覺得辛苦。

化妝師阿蘭拍攝過程一直為我補妝,只係幾分鐘就改變左我嘅妝同髮型,真係好勁!!又會幫手拎下頭紗令到張相出嚟嘅效果比較有動感。

攝影師阿勇食lunch之前仲俾d相我地睇返,問下我地有冇其他要求,當然最後都滿足左我地嘅需要。

全日拍攝過程都好順暢,佢地仲準備左好多道具俾我地影相用,件事好warm亦給予足夠時間休息。

其實拍攝當日真係又熱又曬又多蚊,但成個團隊為影到我地最靚嘅效果,流左好多汗水餵左好多蚊都冇怨言或者黑面仲一直照顧住我地令到我都有d唔好意思,真心感謝整個拍攝團隊專業用心付出亦不厭其煩地同我地溝通。

如果有親戚朋友要結婚我一定會推介Bliss Wedding俾佢地!!