Zarvina & Henry (香港 婚紗攝影 July 2017)

我哋係由網上搜尋認識到了Bliss Wedding，見到佢哋有好多輯網上相片，攝影風格都屬於自然同清新，好適合我哋想要簡單自然嘅要求，於是膽粗粗就上咗去。

接待我哋嘅wedding consultant是Annie，Annie份人好nice同好有耐性，對於問題比較多嘅我哋，佢都盡力地解答同滿足我哋嘅要求。最後我地決定join佢哋嘅一日香港室內加室外拍攝package。期間我哋有咩顧慮同查詢，工作人員都很快回覆同幫助我哋解決。

而到咗試衫的日子，工作人員Susan很盡心盡力地協助同俾意見我哋，期間我哋試衫嘅數目同時間都超過預定嘅時限，Susan都沒有顯得不耐煩，而係希望我哋能夠滿意地揀到適合嘅服飾，最後我哋梗係揀到自己心目中嘅嘢啦❤

等等等等等……終於到咗我哋去影相啦～由於我哋兩個前一晚都太緊張搞到唔夠休息，個樣好攰，但多得化妝師阿Pat，佢真係好專業同用心，將我化到靚一靚，完全唔覺得我精神唔夠！而且佢都有專心聆聽我嘅要求，妝容自然又清新，拍攝期間更一直幫我跟妝。仲有多謝攝影師Sam哥同助手阿樂，由於我哋兩個都唔係識擺甫士又係慢熱嘅人，Sam哥都能以佢嘅專業教我哋姿勢影出靚相。特別特別要多謝佢哋三個陪我哋出去影外景時，俾太陽乾煎又俾蚊圍，都依然毫無怨言！

之後約一星期就收到相啦！啲相出到嚟都非常高質素，完全係喜出望外呀，都唔駛點執相咁滯😊 到咗揀相嘅時候，Annie又俾咗建議我哋參考，又幫咗有選擇困難證嘅我哋一個忙啦～

如果大家想要一輯簡約清新嘅結婚相，不妨考慮下Bliss Wedding，因為佢哋服務態度非常好，價錢又合理，最重要係唔會hard sell。

推薦轉載自：https://www.facebook.com/sesehk/posts/10155441710379693