Clara & Derek (婚紗城香港婚紗攝影 Oct 2013)

一直以來都唔想舟車勞頓，希望可以喺香港附近既地方搵D比較特別既地點拍pre-wedding。雖然覺得深圳既婚紗城場景非常特別，但係實左俾國內人既工作態度嚇怕，正想放棄、疊埋心水喺香港影相之際，喺一個好偶然的機會下發現了Bliss Wedding – 一個可以喺香港試衫、還衫同埋follow-up後期製作，除拍攝外「一條龍」完全唔駛經大陸既香港婚紗公司，於是諗都冇諗就即刻去門市搵April。April非常耐心咁解釋每一個地方唔同既風格、特色等等，即使最後沒有即時落訂，但佢完全冇hardsell「放我地走」，哈哈！之後去到婚展既時候，April都不厭其煩咁再一次解釋package既內容，又俾左好多product我地睇，而我地亦都順理成章地join左佢地香港加深圳既package。

深圳拍攝當日攝影師阿勇、化妝師阿蘭同埋助手阿偉一早已經喺火車站附近既集合地點等我地。阿蘭的化妝技術十分出色，非常著重和新娘子的溝通及會主動提出意見，務求能夠設計出最適合的造型配合我的需要。喺拍攝期間，佢更加不時為我補妝及印乾汗水，十分細心。而助手阿偉亦都十分落力及有heart，除左幫手攞攝影器材之外，亦都幫我地攞住D隨身物品同埋拍攝道具周圍走黎走去。不得不提既攝影師阿勇十分專業，喺當日不同既場景都有同我地brief應該點樣擺pose，又教我地點樣去就猛烈的陽光及拍照時應該採取的角度，令到照片出來既效果非常有水準。雖然拍攝場地當日既新人實在好多，但佢同阿偉都好醒目快快手手同我地排隊霸位，埋位前亦都教我地點樣擺pose，就位等等，可以「食盡」D拍攝時間，一秒鐘都冇浪費。

Bliss Wedding 的「全包宴」可以話係佢既一大賣點，除饍食及交通之外，基本上絕對無其他隱藏收費，非常均真。再加上所有底片全包，絕對唔需要擔心俾人「加相」「劏到一頸血」，非常適合好似我地呢D怕唔好意思，好驚「衰心軟」既新人！