Carmen & Alex (婚紗城婚紗攝影 Apr 2014)

由男朋友求了婚之後，我就開始做下research搜集看下揀邊間影Pre-Wedding。

其實坊間有咁多間Pre-Wedding的公司，花多眼亂，要點樣先可以揀到一間適合自己的公司的確有點困難。由於我們想影户外私景色多過studio，又要符合我們的budget，終於在我不斷爬文之後找到bliss wedding；它最吸引我的地方是拍攝完之後可以全數取回相底，這是很多公司都做唔到的。在2 月中的婚展join 了bliss wedding， bliss wedding的職員好細心講解package 的內容和收費，唔會好似其他公司有好多隱藏的收費，這對我們要控制budget來說很重要。

在拍攝當日，助手阿偉一早就在羅湖關口等我們，幫我們拿行李，包車到婚紗城拍攝。阿蘭好細心咁幫我化完妝之後我們就出了去拍攝，出去見到其他新娘的衫好殘好骯髒，幸好自己無咁的情況出現。由於攝影師阿勇識講廣東話的關係，方便我們大家的溝通，阿勇仲會教我們擺post，講下笑，等我們唔好咁緊張。我記得拍攝當日天氣都幾悶熱，拍攝途中我們大家都出晒汗，阿蘭好細心咁幫我們抹汗，阿偉又係咁幫我們扇風，阿勇自己都濕晒仲好好耐性咁影，我男朋友仲話其他人的攝影師好惡，幸好我們的唔係咁。

拍攝完之後大概一個多星期便可以取回相底揀相；我們都好滿意成果，朋友仲讚唔似在大陸影。多謝Bliss Wedding 的攝影團隊的專業和細心的服務，令我們有個愉快難忘的回憶。