Dara & Ling Hin (婚紗城婚紗攝影 Aug 2014)

Dara令軒輕輕鬆鬆影相@婚紗城

終於等到黎日啦！報了Bliss 婚紗城影結婚相，點知Dara 發燒燒了一整個星期，本擔心要壓後到9月先有得影，到時又開學又影相真係唔知點算… 好在Freda改到8月頭影，也算感恩！
之前果日再去Bliss 試衫，結果大病暴瘦，吓到Hedy 即刻針線補救，也算是修身成功… 可喜可賀…

上深圳，過關很順利！到了集合地點就上車，40分鐘就到婚紗城啦！好在我地早，第一Team人入化裝室，下午已經人山人海…

化妝師確是化裝神技，Dara 由超級無敵靚變為終極究極靚！越睇就越開心！嘻嘻 ^^

Ok, 開始影相了，先影教堂景，之後影太陽花花… 選婚紗城真係一個唔錯既選擇，不同場景係哂一個公園入面，影完一個景隔離就係另一個景，沒有空場。陽光下的花景也特別燦爛，教堂景亦唔駛點等，夏天weekday影相的好處！

有個小插曲，影教堂有人想打尖！！！有在攝影師哥哥唔肯過佢！好的拍攝團隊真係好重要。

下午Dara換了紅色晚裝，我覺得最靚呢件，同白色教堂簡直絕配，外景有火車和馬車，很有童話feel，唯一係露背裝犧牲了Dara 十年美白功力，不過為藝術犧牲換翻啲靚相都值得啦。
尾聲啦，藍色晚裝和便服，開始有啲攰，不過好中意啲屋仔景，好有歐陸feel，便裝擺啲古怪post，仲帶左我地嘅定情信物海豚仔，好開心！

回程7點翻到過關，一日的影相就劃上句號，辛苦妳啦未來老婆。

後記︰夏天影相真係好熱、好累，回到家一瞓就瞓著，結果我和Dara 用了48小時補眠！！！不過汗水背後也有回報，Dara 攞到相後也興奮足 48 小時！哈哈哈…