Ellen & Nicholas (哈施塔特婚紗攝影 Nov 2014)

在揀影婚紗相公司既過程中真係花多繚亂，上網搵資料做功課睇人地評論再行多幾次婚紗展之後我找到了Bliss Wedding。在婚紗展做既package唔錯，全底片多款相架相簿又有花絮片段等等，好多人對在國內攝影無乜信心，但哈斯塔瑞的廣闊戶外景的確幾吸引係石屎森林住既我，而Bliss 係香港公司，有鋪頭加上試婚紗禮服都係香港呢點都帶到幾大信心我。

試婚紗既地方係好闊落同埋職員係好有心機俾到好多意見我地，咩都唔識佢提到我地注意好多細節，最後同未婚妻亦揀到心儀既衫，我重加錢要多套。

早一晚係深圳住宿有專車酒店pick up，鋪頭職員Freda呢個提議係好細心既，休息時間係好好多既。攝影當日早上陽光唔係好好本來係有d擔心，但係攝影師耐心既帶領同親身示範下，哈哈，我同未婚妻原本機械人咁都識得擺下pose，加上兩位攝影師同埋個助手既叭地伏身演出，為左幫你拎好角度你會對佢地既專業有信心。值得一提化妝師係攝影過程入面都俾到好多幫助我未婚妻，例如面既角度點影出黎會靚d，睇下有無穿崩位等等。。。

完成個旅程最後揀相亦好滿意，Freda亦係揀相過程提點左好多我唔識注意既地方，好期待最後既精品。

多謝你地。