Creamy & Gus (婚紗城婚紗攝影 Mar 2016)

當初想同男朋友影婚紗相但又唔知邊間好，於是上網搵資料，發現bliss wedding 得到好多好評。再睇埋其他新人既婚照後，覺得影得好好，當中我特別喜歡婚紗城既景，而且地點算方便，只需要一日就可以完成拍攝但又做到置身海外既感覺，好岩我男朋友無假期去外地影相。

於是我就去到bliss wedding門市打算約時間影相，店員annie好有禮貌，全程都有笑容，仲好細心咁講解有咩package，仲提我試衫當日同拍攝當日有咩要準備同注意。

我好快就揀好日子，到左試衫當日好快好順利，仲好貼心地借o急俾我地，所有野都放哂落去好方便。借衫既時候又好仔細教我拍攝當日要響邊個地點等。

到拍攝當天，我同男朋友準時到達約定地點，助手一早已經在等，佢好有禮貌。一整日既拍攝，攝影師、助手同化妝師表現非常專業，特別係攝影師好有耐性，我同男朋友都好少影相，唔係太識面對鏡頭要點擺姿勢，全靠攝影師悉心指導，我男朋友唔係好識對鏡頭笑，攝影師都不厭其煩咁提醒佢要笑下，全程都好有禮，唔似當日眼見其他新人既攝影師拍得唔太滿意就用左唔太客氣既口氣指責新人。化妝師好仔細同有責任心，又好快手。

影完相後，好快就有碟拎，annie又再次講解我可以揀幾多張相，可以要求點執相，另外想加相又點收費等等。到交相既時候，職員好用心同我一齊睇相，俾意見我，好多我發現唔到既、好細微既地方都留意到，提議我可以執走。

總括黎講，我非常滿意bliss wedding既服務，全程都跟進得好好，服務態度一流。起初我同男朋友都有擔心過會唔會遇到黑店，一開始講既收費同最後出黎唔同，樣樣都話要加錢，但完全無發生過!bliss wedding既價錢明碼實價，職員又唔會欺瞞客人，每樣野都交代得好清楚。我誠意推介俾各位準備影婚照既朋友，bliss wedding絕對值得考慮!