Christine & Ray (香港婚紗城婚紗攝影 Jun 2015)

影結婚相相信係大部份準新婚最期待嘅一環。我地一直都唔知搵邊間婚攝公司, 最後係網上搵到bliss wedding, 睇到大家嘅評語同埋作品,加上知道信譽好,可以拿番所有底片返屋企慢慢揀相, 於是係婚展期間決定join la。我地join左兩日嘅package, 一日係香港一日係深圳婚紗城, 職員好清楚講左 package 價錢包啲咩, 有邊啲未包,未包嘅大約預幾多錢, 令我地有好好嘅預算。

兩日拍攝期都定左係一月份,最初怕會好凍, 不過好好彩兩日都好好天又有陽光唔太凍。我地先係香港拍攝,揀左三個地方:石澳,學校同埋中環夜景。其中我地最滿意係石澳影嘅相片。始終係第一次影婚紗相,會怕怕醜醜又唔識擺位。好彩攝影師好有心機教我地點擺pose 。

另外我地預備左氫汽球同埋都幾多道具, 石澳又幾大風, 化妝師同助手都毫無怨言咁幫我地拎住啲道具係岩石間走黎走去,真係辛苦哂佢地。

第二輯我地係深圳婚紗城影,助手好準時係深圳等候, 之後搭預備好嘅車到婚紗城, 我地係第一組去到, 化妝師就立即開始幫我化妝, 我好欣賞化妝師嘅化妝技巧, 她只不過用好簡單嘅化妝工具,就化出令我滿意嘅妝容。攝影師指導我地唔同嘅pose, 整個拍攝過程好輕鬆又好玩。

最值得一讚嘅係拍攝期一星期後就可以拿返哂啲相返屋企慢慢睇慢慢揀,對我呢啲又心急又有選擇困難症嘅人真係好重要。

最後要多謝一下freda, 係成個過程裡都好有耐性咁解答我地不同嘅問題同埋提供左好多有用嘅建議。