Yasuda & Kelvin (首爾婚紗攝影 Oct 2015)

confirm婚期後上網搵左好多關於pre wedding既資料，網上好多好評同推介，就上bliss了解下，經過annie好耐心咁講解同覺得性價比高之下決定join左10月韓國package。

拍攝婚紗城當日，嘩！熱到頭頂可以煎蛋，化妝師好細心，幫我換衫拎野抹汗，好warm，攝影師自己都熱到濕晒，但佢重不斷教我地擺post，點先影得靚，雖然大家都俾蚊滋仔狂咬(大家記得夏天影婚紗城要帶蚊怕水！)，但佢地都pro，好好。

到主角韓國攝影喇，嘩！凍到鼻涕條條fing，一大朝早化妝師同April就黎左等我，化妝師就好有耐性同用心咁幫我化妝務求符合我想要既野，April真係好搞笑，帶動成個攝影行程既氣氛，而阿傑同攝影師好pro，又爬樹又瞓地就係為左幫我地影個靚角度，阿傑爬樹真係好勁，佢地都好照顧新人，一影完相就會衝過黎幫我著外套，好窩心！因為我既特別要求，佢地over time左幾個鐘，我地都攰啦，更何況佢地，但佢地重好pro，唔會俾人感覺趕收工而得過且過，影到最後，攝影師每一張都話最後一張，April話：「其實係尼個景既最後一張。」哈哈，佢地真係好好。

影完後諗住請佢地食餐好既，點之佢地話要準備第聽日對新人既野同upload返我地d相驚唔夠時間，所以返去食杯麵算。此番話一出令小妹萬分佩服，為左幫我地影靚相，佢地唔理天氣，唔理時間，又細心，又專業，除左車費門票，真係無額外收費，又唔hard sell，highly recommended!!!