Shan & Lok (玫瑰海岸哈施塔特婚紗攝影 Oct 2015)

多謝Bliss Wedding既團隊為我地影左輯靚既相。
一開始搵影婚紗相公司，最主要係睇場景同服務，對比返bliss所有服務都係一對一，仲要收費唔貴同埋冇隱藏收費。

去到拍攝既第一日（因為我地係影左2日架），因為早一日落雨猶疑緊改唔改日期好，最後都冇改照出發，一到關口助手已經等緊我地啦！到達後化妝師就幫我化妝，佢好細心，就開始影啦！因為都仲落緊雨，就影左室內先，攝影師教我地點樣擺pose，好有耐性。啲雨時大時細，到最後都冇辦法影到，都係要改期。

終於等到第二次再影啦，唔知個天係咪唔鐘意我地，都係落雨，所以前一天就同Annie商量有冇辦法可以轉去多啲室內景既地方，佢亦好好咁幫我解決左，最終轉左地方如期拍攝。去到拍攝時都係有落雨，再加上果日我唔舒服，化妝師，攝影師同助手都好專業咁幫助我地拍攝，果日又凍又落雨，佢地亦都淋到濕左身，真係唔好意思。仲要一影完就拎對鞋俾我換同埋拎件褸俾我，感到好窩心！最後都好好彩咁影完！

過左2個禮拜就睇到成果，估唔到落雨會有另一番感覺，影到好靚，攝影師拍攝既技術好好。我同老公都好鍾意。

最後再一次多謝bliss wedding所有幫過我地既人。