Wayne & Keith (婚紗城婚紗攝影 May 2016)

起初要搵影PRE WEDDING時，喺網上睇到好多間公司，其實我地先睇左評語，見到BLISS WEDDING嘅評價都好好，所以去門市睇下D PRODUCT先，見D相嘅效果都好靚，基於我地假期有限，只可以一日內完成，所以諗住喺香港影就算，不過佢地介紹我地返大陸影，初初我都好爭扎，但睇完D相就即刻好鍾意，因為見到好多埸景都好靚！我地最後揀左去婚紗城，一來車程只須1個鐘左右（我好怕坐長途車，加上係大陸），二來都好鐘意嗰度D BACKGROUND，同埋有車接送，價錢都又唔貴，加上D STAFF好NICE，又送左D小禮物比我地，已經唔想再搵第二間啦～

喺香港試身，揀左一件婚紗加兩件晚裝，另外自己都可以帶一套自選嘅衫去，D衫都滿意呀，尤其我老公好鍾意套深藍色西裝，話著到佢好型喎…… 到攝影當日（13／5／2016）約左8點喺羅湖關口對出藥房等，7：50我地已到，有個男仔行埋黎，原來佢係助手叫阿豪，接左我地上車，化妝師阿蘭已經喺車，再去接埋攝影師阿勇就去婚紗城，車程45分鐘左右，一去到先去化妝間換衫同化妝，初時我有D擔心會化得唔好同個頭唔知會SET成點，我講左我嘅要求，佢真係可以整到一樣，個妝出黎都好滿意，真係好驚喜！同埋佢全程都幫我補妝，同要幫我抺汗，好HELPFUL！

另外真係好彩有阿勇，對我地呢對零影PRE WEDDING嘅新人黎講，完全唔識擺POST！由第一張相開始到最後一張相阿勇已經要不停指導我地點擺位隻手點至影出黎瘦D等等，阿豪都好幫得手架，雖然當日有D熱，但成個過程都好影得好開心好滿意，大家都好有默契，令我大大改觀！
大概5點左右就回程，6點多D就返到香港了～
大概兩星期就有相睇，我覺得佢地好好，會比返哂D原裝相我地KEEP，比我地返去慢慢揀～到我地返去交相時，ANNIE（STAFF）重幫我地手睇下有咩穿崩位，佢地真係好NICE，非常之滿意佢地嘅服務，好彩比我地搵到BLISS WEDDING！