Ariel & Fung (香港婚紗攝影 July 2016)

喺香港土生土長，結婚相當然要揀香港影啦，於是喺網上周圍搵攝影公司，搵咗好多間都唔啱心水，無意之中俾我見到Bliss Wedding，呢個公司名好吸引我，入去睇佢哋啲相，服裝同化妝都好靚，價錢仲好平添，二話不説就揀呢間。
第一次上到公司見到Annie，仲見到公司拎過好多獎，Annie佢個人好nice，我自問係個較多問題嘅人，但Annie都不嫌其煩地一一解答我嘅問題。到揀衫時，嗰個員工拎咗我揀好嘅衫俾我試，見我唔係好滿意就問我想要邊類型嘅裙，之後揀咗啲我好喜歡好適合我嘅裙。

拍攝當日，由於我係拍室外，可惜天公不造美，嗰日竟然狂風雷暴，幸好Bliss Wedding可以免費改期，令我可以節省金錢。到正式拍攝日，我第一次接觸化妝師Moonie，佢超級nice，好好好親切，化妝仲好靚添，化完妝Moonie就介紹助手呀源同攝影師呀Sam俾我認識，到拍攝現場，Sam開始教我同老公點樣擺post影出嚟嘅相先好睇，可能我同老公甚少影相所以笑得好生硬，助手呀源不停咁講笑話令到我哋開懷地笑，Sam就好專業好快咁幫我哋影相。當日天氣晴，仲好好太陽，氣溫成三十幾度，每次行去另一個地方時，Moonie都好貼心咁幫我拎遮擋太陽，而呀源就好窩心咁遞紙巾俾我哋，但其實佢自己都不停流汗，真係好感激佢哋。

食飯時Sam俾返我哋睇啲相，好靚，影得好有水準，我同老公都讚個不停。由於Bliss Wedding嘅團隊個個都好專業，拍攝出嚟嘅相我同屋企人每一個都讚口不絕，我對Bliss Wedding真係非常滿意，如果有朋友搵拍攝公司，我一定介紹佢哋揀Bliss Wedding，係一間值得信賴嘅公司。