Mandy & Hoffman (台灣婚紗城婚紗攝影 September 2018)

因為有朋友用bliss wedding拍攝pre wedding而且出黎效果不錯，所以我地就去門市了解拍攝pre wedding的package。
我地睇到公司作品後就決定揀bliss wedding喇！上到去同事好細心咁介紹每一個拍攝地點同拍攝風格，介紹過程完全無hard sell。

我地個PACKAGE係可以影兩輯：基地同台中。我地先去基地，當日天氣好好，我地都真係好緊張，但駐基地的攝影師、化妝師同助手都好nice，令到成個氣氛都好輕鬆。女朋友化完妝就衝出去影相，攝影師教我地點樣擺Pose同點樣笑得好睇，助手同化妝師都好辛苦，拎住好多野又要協助攝影師擺下裙尾，個日真係好熱，佢地個個都滿頭大汗。攝影師只要諗到有邊個位置可以影到靚相都唔會放過，希望可以影到有唔同風景嘅靚相。影完上半就去食lunch，之後影晚裝同便服。好開心可以騎到真馬影，隻馬好靚好型仔，當日仲可以準時6點回程。

到左台中部份，去到當地，睇天氣報告話會落雨。我地仲好擔心唔知影唔影到，好彩到我地影當日，好好太陽。化妝師同攝影師影之前的一晚同我地開會，話我地知個行程係點。到影相當日，化妝師好準時就黎到幫女朋友化妝，之後就出發喇。台中D大自然景真係好靚，攝影師教我地擺唔同的Pose，但因為全部都係大自然，好多蚊，好彩化妝師有帶蚊怕水俾我女朋友搽，太貼心喇。去到台中尾站的高尾濕地，呢到每一個動作都要好快，因為我地真係追住個咸蛋黃黎影，個晚霞
又好靚。

整個拍攝流程都好暢順，真係辛苦哂攝影師同化妝師！