Wawa & Danny (香港婚紗攝影 Dec 2014)

首先我同未婚妻是在討論區見到介紹再在 google 同 facebook 上查到 bliss wedding 的，由於家住美國，到十月中才臨時决定回港接未婚妻期間順道拍攝婚紗相，由於機票一早已經買左，只係十一月底返港停留三個星期，因此對 bliss wedding 的攝影日期不存太多期望，唯有托細佬上門市問，結果十一月無期，十二月好彩有一日時間可以比我地，門市個小姐 Freda 十分熱情，同我細佬介紹和比意見，最後還给我長途電話并再講解了一次。

拍攝地點定左係番香港，選禮服地方乾淨，員工好nice,婚紗好新淨，我未婚妻話咁多套都有洗衣既香味，而且有好多選擇，我地都好滿意。

拍攝當日，化妝師很好人，化妝期間同我未婚妻有講有笑，出來效果我地都好滿意，而且全程跟足我地補妝同幫頭幫尾，攝影師很有心機指導我地如何擺 pose，角度，表情等等，最重要係不斷引我唔識笑既未婚妻笑，拍攝助手除左打燈外仲有幫手攞住行李同貴重物品，總結當日拍攝得好開心同好滿意，服務態度十分之好！

由於趕住離港既關係，佢地都好幫手，攞相佢地只係用左一日就比到光碟我地啦（原本要幾日至一星期），等我地可以係離港前選相同上門市交代D相如何改動同照片後期，不需要依靠長途電話交代，免去很多溝通上的麻煩，最滿意是底片全部免費比返我地而且無不明收費，底片出來效果好滿意，再一次多謝拍攝團隊同門市 freda 小姐！