Hins & Ho (婚紗城婚紗攝影 Jan 2015)

由決定影婚紗相開始，就上網搏命搵婚紗攝影公司，當睇到 Bliss Wedding 個陣，就覺得呢間公司影相風格好靚，而且價錢又算幾平，再加上用過既客人都一致好評，所以就決定 walk-in 上去睇下啦

要多謝 Freda，即使我地上到去個陣表明只係想問下資料先，佢都好細心好詳細咁講解哂啲 package 比我地聽，而且仲好有禮貌，所以返屋企諗左無耐，就最後決定用呢間啦

我地揀左婚紗城就拍攝場地，拍攝當日天氣都好好，攝影師行程編排得好好，因為我地算係較早入場，所以攝影師根據佢既經驗，安排我地首先拍攝左多人既教堂景同薰衣草田先，果然，一到下午我地原先已經拍攝好既幾個景點已經人山人海，呢一點不得不讚下攝影師。

另外，初初開始拍攝我同男朋友都好生硬，表情又假，但因為同攝影師有講有笑之下，拍攝氣氛愈來愈好，好快我地就進入狀態，拍攝過程變得更快更順利。

拍攝助理當日表現好抵讚，無論係攝影師既用具定係我同男朋友既隨身物品，佢都一一絕不離手，行到邊就拎到邊，有時連我既拖尾裙擺佢都要整理埋，真心覺得佢好稱職，我諗當日在場最辛苦最攰應該都非佢莫屬，但係拍攝既咁多個鐘頭裡面，佢都 KEEP 住好好笑容好好禮貌，所以真係抵讚。

化妝師全程表現都好細心，SET 頭都會問下我意見好唔好先，而且邊化妝會邊問我凍唔凍，洗唔洗拎外套比我著，加上佢全程跟住我地去影相，好多位置我地原本都唔察覺，但小小細節位佢都會留意到，即刻上前幫我整理，好體貼。

呢個價錢黎講，我覺得 Bliss Wedding 真係物超所值啊，男朋友仲話到結婚週年紀念個陣，仲想影多次添呀 ^^

(感謝 Hins & Ho 與我們分享美麗的婚照)

門市地址：大角咀洋松街83號纳東中心
營業時間：星期一至日及公眾假期 12:00noon - 8:00pm
查詢電話：3580 1671
Whatsapp：9080 7468
查詢電郵：info@blisswedding.com.hk

婚照共享