Janet & Raymond (香港婚紗城婚紗攝影 Nov 2014)

經朋友介紹，我地打算喺結婚展覽找 Bliss Wedding 做pre-wedding, 其實初頭都心大心細，因為睇到d網上評語都係好壞參半。

我記得我地果日係婚展會場的不同pre-wedding 公司不停咁遊走，起碼入Bliss Wedding 都有3次，但職員April都好helpful, 好有耐性咁解釋terms 同package，又不斷重複又重複咁比sample 相我地睇（不過比在我就彩鬼佢，咁煩，哈）。睇在佢地咁努力份上，最後都拍板了。不過呢，做生意嘛，Sales努力都係正常gei, 都要睇下實際service呢。

我地個package 係一日香港景，一日內地景。初初呢我地㨂咗10月中試衫，但我又臨時有事要改期，職員Freda 都想辦法改咗個靚時間比我，good。

好喇，第一日係影香港景，去嘅地方都唔少，去完迪欣湖又要去石澳，之後再去中環。其實呢，我真係想讚下化妝師, 佢果日有少少感冒，但都可以化到新娘個妝好靚（其實之後我地揾咗好多間試妝，都化唔番咁好..so sad..) ，果日夜晚得16度，佢都幫手睇住新娘唔比佢凍親，good。仲有助手都好落力，唔錯。

第二日呢，內地拍攝，我真係幾欣賞個攝影師，因為緍紗城有好多靚場景，阿勇都可以一一安排好，最利害嘅就係佢可為咗攞個最靚喺攝影角度而訓身影（真係訓喺地下影，仲要係花園泥地）。d相影出泥真係唔錯，有角度，有heart!

當然啦，如果肯比多d錢，你想d 相点影点靚都得嫁啦。但Bliss 係平得黎係有質素，算係咁啦，我個人都幾滿意。