Connie & Him (韓式影樓婚紗城婚紗攝影 Nov 2015)

我同未婚妻有計劃16年年尾結婚，所以開始要做下功課行下婚展，又周圍八下應該要做D咩，有咩玩咁…當然求婚之後梗係要影下pre-wedding啦…我自己讀書都有學過影相，自己又好鐘意用攝影既方式去記錄事件，所以對影左出黎既相都有D要求。當然自己同唔到自己影既，所以點都要行下婚展啦…行下行下發現婚展真係睇到眼花…不過我同未婚妻講，我點都唔要台灣果D影相手法…因為太過浮…落唔到地。而未婚妻亦有佢既要求，就係唔要山盟海誓、海枯石爛就ok…所以周圍睇下啦~ 其實有要求就好快揀到。最後得幾間係岩feel, 當中發現 Bliss Wedding 個package 又可以有戶外景，又可以有影樓景，性價比十分高！

因為未婚妻係一個專業既行政人員，所以佢都準備好一張30幾條問題既note準備問店員，當店員 Freda 講解package，價目同埋其他資料後，我地就決定落訂，因為Freda 講解package好清楚，絕對無好多公司隱藏既收費…

到了10月我地好興奮咁揀衫時，職員Freda同April比左好多意見及幫忙，大大減少了我倆揀衫的時間！仲有比左好多bling bling比未婚妻揀，所以我地都好期待11月既婚紗城Pre-wedding。

11月尾婚紗城的第1日拍攝，當日的天氣非常好，當日天氣好凍仲要早起身… 不過當日的工作人員比我仲要早到，值得讚! 攝影師在企位、姿勢上十分講究, 十分專業！器材的級數都令人滿意，同攝影師幾句之下仲比佢識穿左我都有玩開影相，想扮傻仔都唔得。助手在反光板上的運用, 協助拍攝上十分到位，仲有幫我地攞袋半句攰都無。化妝師的化妝水準和速度都十分好。當日的行程十分緊密，到下午人多了很多，但攝影師都能偷到無人的位置為我們拍攝。最後攝影團隊即興下影左幾張相信唔係個個都影到甘靚既幾張相…真係印象深刻!

12月影樓果輯相未婚妻就話一定要讚化妝師，因為set頭set得好靚好比心機，佢都好鐘意，仲好想Big day都整返呢個頭咁話，個妝少女得黎又唔幼稚氣…haha! 影樓經驗亦係一個不同既感受! 比較舒服！

到十二月頭攞相，Woo…好多靚相睇~我自己都好滿意…成輯相既缺點係…點解我影相果時唔chok D…………