Crystal & Eric (哈施塔特婚紗攝影 April 2017)

起初我同我男朋友上網搵婚攝公司時見到Bliss Wedding有不少好評，於是我地就上佢地網頁度了解返啦。

Bliss Wedding嘅網頁清楚有哂不同Package嘅價錢同內容，仲有好多客人嘅真實作品可以參考返，所以我地就mark低左婚展要去佢地個booth度了解詳情啦！

去到婚展職員好用心咁介紹返唔同地點、唔同package嘅內容，佢地選擇好多令到我地都心思思。

不過始終係一個大project，我地都返屋企諗左一晚，第二日就決定再去婚展book佢地啦！

職員好細心都認得我地，最終我地就join左一日嘅內地基地拍攝。

拍攝當天，無論係攝影師、化妝師定助手都非常專業又細心咁幫我地。

因為我男朋友好少影相，攝影師好有耐性咁指導佢手腳擺位呀咁！

化妝師同助手就隨時standby幫我地抹汗擔遮。

雖然當日有大部分時間都係落住雨，但係隊crew都好唔錫身同錫器材冒雨咁幫我地。

同埋攝影師亦都因應落雨而影左一啲有雨水有遮嘅相，出黎嘅效果大家都好滿意！(連行過嘅路人都用手機影低左我地，仲行埋黎show俾我地睇張相效果好好！)

事隔兩個星期左右就已經有得攞相啦，Bliss Wedding係俾哂所有原相我地返屋企慢慢揀嫁。

輯相影得好好，好多係覺得唔使執都已經可以見人啦！

真心覺得呢間公司好好，明碼實價唔會hard sell，安排每個細節都好落力，真心推介俾各位新人！

(感謝 Crystal & Eric 與我們分享美麗的婚照)

門市地址：大角咀洋松街83號纳東中心
營業時間：星期一至日及公眾假期 12:00noon - 8:00pm
查詢電話：3580 1671
Whatsapp：9080 7468
查詢電郵：info@blisswedding.com.hk

婚照共享